پریس کانفرنس کی اجازت کا نوٹی فیکیشن مسترد کرتے ہیں،سی پی این ای۔۔

کونسل آف پاکستان نیوز پیپر ایڈیٹرز (سی پی این ای) نے کوئٹہ پریس کلب میں پریس کانفرنس کی اجازت کے نوٹیفکیشن کو مسترد کرتے ہوئے اسے آزادی صحافت پر حملہ قرار دیا ہے جسے بلوچستان کے بعد دیگر صوبوں میں بھی دہرایا جا سکتا ہے۔ ایک مشترکہ بیان میں سی پی این ای کے صدر ارشاد احمد عارف، سینئر نائب صدر انور ساجدی، سیکرٹری جنرل اعجازالحق اور نائب صدر منیر بلوچ نے کہا کہ آزادی صحافت کا تحفظ روز اول سے ہماری اولین ترجیح رہی ہے، اس لیے ہم کسی ایسے حکم نامے کو قبول نہیں کر سکتے جس سے آزادی صحافت کو روکا جائے۔ آزادی اظہار اور جاننے کے آئینی حق کا راستہ۔ ان کا کہنا تھا کہ ہمیں مشرقی پاکستان کے سانحے سے سبق سیکھتے ہوئے ہر اس اقدام سے گریز کرنا چاہیے جو ملکی سلامتی اور استحکام کے لیے خطرہ ہو۔ انہوں نے مطالبہ کیا کہ حکومت فوری طور پر کوئٹہ پریس کلب میں پریس کانفرنس کی اجازت کا نوٹیفکیشن واپس لے اور ملک میں جمہوری ماحول بحال کرے۔