پریس کلب میں عمرے کے ٹکٹ تقسیم۔۔۔

لاہورپریس کلب میں رمضان المبارک کے مقدس مہینے میں محفل حسن قرات و نعت میں قرعہ اندازی کے ذریعہ عمرہ کی سعادت کے لئے خوش نصیب قرارپانے والے لائف ممبرمحمد یاسین مغل ، کونسل ممبراحمد یار جنجوعہ اور کلب ملازم محمد خان کو ٹکٹس دیئے گئے ۔ لاہورپریس کلب کے صدر ارشد انصاری ، نائب صدر امجد عثمانی ،فنانس سیکرٹری سالک نواز، ممبر گورننگ باڈی عمران شیخ اور منیجر سلمان احمد خان نے خوش نصیبوں کو عمرہ کے ٹکٹس تقسیم کئے۔ صدر ارشدانصاری نے خوش نصیبوں کو مبارکباد پیش کرتے ہوئے کہاکہ حرمین شریفین کی زیارت ہر مومن کی سب سے بڑی خواہش ہوتی ہے اللہ پاک تمام مسلمانوں کو حج و عمرہ کی سعادت عطافرمائے۔ لائف ممبر محمد یاسین مغل علالت کے باعث سفر کرنے سے قاصر ہیں وہ جلدصحت یاب ہوکر عمرہ کی سعادت کے لئے روانہ ہوں گے۔