پریس کلب میں سینئرصحافیوں کی یادمیں تعزیتی ریفرنس۔۔

 کراچی پریس کلب کے زیرِ اہتمام سنیئر صحافیوں محمد انور اور خالد مخدومی کی یاد میں ایک تعزیتی ریفرنس ہفتہ کو منعقد ہوا،جس میں مقررین نے محمد انور ، اور خالد مخدومی کی صحافتی خدمات پر انہیں زبردست خراجِ عقیدت پیش کیا۔ اور کہا کہ دونوں صحافیوں نے انتہائی دیانتداری کے ساتھ اپنے پیشہ وارانہ فرائض انجام دیئے اور صحافتی اصولوں پر سودے بازی نہیں کی۔ انہوں نے اپنی جان کی پروا نہ کرتے ہوئے بھی کبھی کسی خبر کو نہیں روکا۔ مقررین میں کراچی پریس کلب کے صدر فاضل جمیلی۔ سکریٹری سہیل افضل، سابق سیکرٹری پریس کلب مقصود یوسفی۔ سینئر صحافی منیرالدین، خالد مخدومی کے بھائی سینئر صحافی محمد طارق مخدومی محمد انور کے صاحبزادے ارحم نے بھی خطاب میں مرحومین کی زندگی اور حالات پر روشنی ڈالی۔ عبدالجبار ناصر نے فاتحہ خوانی کرائی۔ سکریٹری کراچی پریس کلب سہیل افضل نے کہا کہ خالد مخدومی بہت خوش مزاج انسان تھے۔ محمد انور نے ایسے حالات میں زندگی گزاری جو بہت تشویشناک تھے۔ لیکن اپنے فرائض دیانتداری سے انجام دیتے۔ سنیئر صحافی مقصود یوسفی نے کیا کہ خالد مخدومی نے صحافت اختیار کرتے ہوئے اپنے والد اور بڑے بھائی کا احترام برقرار رکھا۔ مخدومی نے پر عزم زندگی بسر کی۔ اور سودے بازی کو نظر انداز کیا۔ منیرالدین نے اپنے ہم عصر دوستوں کے حوالے سے مختلف واقعات بیان کیے۔