پریس کلب میں فرنچ زبان کا کورس کرانے کا اعلان۔۔

لاہور میں قائم فرنچ سنٹر کے ڈائریکٹر فیبرائس ڈسڈائرنے لاہور پریس کلب کا دورہ کیا۔ لاہور پریس کلب کے سینئر نائب صدر شیراز حسنات، ممبر گورننگ باڈی عمران شیخ ، محسن بلال اور سید بدرسعید نے معزز مہمان کو کلب آمد پر خوش آمدید کہا۔ شیراز حسنات نے لاہوررپریس کلب میں مہیا کی گئی سہولیات اور صحافیوں کی کیپسٹی بلڈنگ کے لئے منعقد کی جانے والی ورکشاپس کے حوالے سے انھیں آگاہ کیااور کہاکہ جلد ہی لاہورپریس کلب کی جانب سے فرانس کے سفیر کو دورے کی دعوت دی جائے گی۔فرنچ سنٹر کے ڈائریکٹرفیبرائس ڈسڈائس نے لاہورپریس کلب کی جانب سے صحافیوں کو مہیا کی جانے والی سہولیات کو سراہا ۔ انھوں نے صحافیوں کو فرنچ لینگویج سکھانے کے لئے جلد ہی لاہورپریس کلب میں فرنچ لینگویج کورس شروع کرانے کابھی اعلان کیا۔ پریس کلب کی جانب سے معززمہمان کو پھول پیش کئے گئے۔