لائف ٹرسٹ ہسپتال موضع مراکہ لاہور کی طرف سے لاہور پریس کلب میں فری میڈیکل و آئی کیمپ کا انعقاد کیا گیا جس میں سپیشلسٹ پروفیسرزو ڈاکٹرز نے مریضوں کا معائنہ کیا۔ لائف ہسپتال لاہور نے لاہور پریس کلب کے معزز ممبران اور ان کے اہلخانہ کے لئے فری کیمپ کا اہتمام کیا۔ میڈیکل کیمپ میں سپیشلسٹ ڈاکٹرافضال علی سید، ڈاکٹر آمنہ، ڈاکٹرگل، پروفیسرڈاکٹرپیرمنیر، ڈاکٹرنعمان، ڈاکٹر فاطمہ، ذیشان صدیق، پیرامیڈیکل سٹاف و آفیشلز عامر حق،احمد رضا اور ناصراحمد سہگل سمیت ٹیکنیکل سٹاف نے شرکت کی اور کیمپ میں آنے والے مریضوں کی آنکھوں کے معائینہ سمیت جوڑوں و پٹھوں کا چیک اپ اور شوگروبلڈکے ٹیسٹ، ہڈی وجوڑوں کے امراض ، دماغ اور پٹھوں کے امراض ، آنکھوں کے امراض ، ہیپاٹائٹس بی اور سی کی سکریننگ ، ایچ بی کا ٹیسٹ ، شوگر ٹیسٹ، ٹی بی ٹیسٹ ، فری ادویات اور عینکیں مہیاکی ۔میڈیکل کیمپ میں صحافیوں اور انکی فیملیز نے بڑی تعداد میں شرکت کی اورمیڈیکل کیمپ کے کامیاب انعقاد پر لائف ہسپتال کی انتظامیہ کا شکریہ ادا کیا گیا کیمپ میں شرکت کرنے والے مریضوں کو ڈاکٹرز کی ایڈوائس کے مطابق موقع پر عینکیں اور ادویات فراہم کی گئیں جبکہ بہت سے سیریس مریضوں کو مستقل علاج کے لئے ہسپتال آکرعلاج کرانے کی ہدایت کی گئی جو کہ مکمل طور پر فری ہوگا۔اس موقع پر لاہور پریس کلب کے صدراعظم چوہدری اور سیکرٹری عبدالمجید ساجد نے کہا کہ منتخب گورننگ باڈی ممبران اور ان کے اہلخانہ کی خدمات کے جذبہ سے سرشارہے اور ہم اپنی روایات کو برقرار رکھتے ہوئے ایسے پروگرامز ترتیب دے رہے ہیں جس سے ممبران اور ان کی فیملیز زیادہ سے زیادہ مستفید ہوسکیں ۔لائف ہسپتال کی جانب سے ناصر احمد سہگل نے صدر عظم چوہدری کو پھول پیش کئے جبکہ صدراعظم چوہدری نے پریس کلب کی جانب سے شاندار میڈیکل کیمپ کے انعقاد پر لائف ہسپتال کے مارکیٹنگ منیجر ذیشان صدیق کو کاوشوں کو سراہتے ہوئے کیمپ میں شرکت کرنے والے ڈاکٹرزاور پیرامیڈیکل سٹاف کا شکریہ ادا کیااور انہیں کلب کی جانب سے یادگاری شیلڈز پیش کئے۔
