کراچی پریس کلب کے قائم مقام صدر رشید میمن اور سیکریٹری شعیب احمد نے کہا ہے کہ کلب کی ترقی اور ارکان کلب کے لیے متعدد سہولیات فراہم کر کے ہم نے اپنا فریضہ ادا کیا ہے اور خدمت کے اس مشن کو جاری رکھیں گے۔ کلب اور ارکان کلب کے وقار کو بلند کرتے رہیں گے۔ وہ کراچی پریس کلب میں سندھ میڈیا فورم کی جانب سے مختصر و منفرد تقریب اعزاز سے خطاب کر رہے تھے۔ تقریب سے اظہار خیال کرتے ہوئے فورم کے صدر معین اللہ شاہ نے افتتاحی کلمات ادا کرتے ہوئے کہا کہ سندھ میڈیا فورم کا بنیادی مقصد صحافیوں کی حوصلہ افزائی اور سینیئر صحافیوں کی پزیرائی کے اسٹیج سجانا ہے۔ تقریب میں فورم کے سینیئر نائب صدر شبیر احمد غوری، جنرل سیکریٹری صدیق چوہدری، نائب صدر آصف جئے جاہ، سینیئر جوائنٹ سیکریٹری خالد خان، سیکریٹری مالیات عبد الوحید جیلانی، سیکریٹری اطلاعات محمد قادر عباسی، رابطہ سیکریٹری راشد علی پہنور، جوائنٹ سیکریٹری احسن جتوئی، مشاورتی کمیٹی کے چیئرمین میاں خرم شہزاد، وائس چیئرمین ذوالفقار احمد، وائس چیئرمین حبیب مغل، ارکان گورننگ باڈی ثناء خان، اعجاز احمد، حنیف کریم ہالا، عمران گیلانی، رمضان شیخ، محمد عارف نے کراچی پریس کلب کے قائم مقام صدر رشید میمن، سیکریٹری شعیب احمد، جوائنٹ سیکریٹری منصف خان، ارکان گورننگ باڈی شعیب احمد، شمس کیریو، نور محمد کلہوڑو، سابقہ رکن گورننگ باڈی (کے پی سی) ذوالفقار راجپر اور دیگر کو اجرک کے تحائف و مٹھائی پیش کی۔ جبکہ فورم کے صدر معین اللہ شاہ، سینیئر نائب صدر شبیر غوری، جنرل سیکریٹری صدیق چوہدری، سینیئر جوائنٹ سیکریٹری خالد خان، وائس چیئرمین مشاورتی کمیٹی ذوالفقار احمد، وائس چیئرمین حبیب مغل نے کراچی پریس کلب کے قائم مقام صدر رشید میمن اور سیکریٹری کراچی پریس کلب شعیب احمد کو بککیٹ پیش کیا۔ بعد ازاں سندھ میڈیا فورم کے حیدرآباد سے نائب صدر تجمل حسین، حیدرآباد سے مشاورتی کمیٹی کے وائس چیئرمین اسلم خان دیسوالی اور میر پور خاص سے نائب صدر معین کمالی نے ٹیلی فون پر مبارک باد دی۔
