ڈائریکٹر میڈیا کی تنخواہ 10 لاکھ روپے۔۔

پاکستان کرکٹ بورڈنے نئی تقرریوں کیلئے پرکشش تنخواہیں ادا کرنے کی تیاریاں شروع کر دی جس کے تحت پی سی بی میں نئے بھرتی ہونے والے منیجنگ ڈائریکٹر (ایم ڈی) کو 20 لاکھ روپے کی تنخواہ اور مراعات کا پیکیج دیا جائے گا۔جیو نیوز کے مطابق پی سی بی کے چیئرمین احسان مانی نے ایم ڈی کیلئے تین ہفتے پہلے اخبار میں اشتہار دیا تھا اور ذرائع کا دعویٰ ہے کہ ایم ڈی کو ماہانہ ریکارڈ 20 لاکھ روپے کی تنخواہ اور مراعات کا پیکیج دیا جائے گا۔  رپورٹ میں مزید کہا گیا ہے کہ پی سی بی ڈائریکٹر میڈیا کی تنخواہ کے پیکیج کیلئے بھی بورڈ آف گورنرز سے منظوری کیلئے رجوع کیا گیا ۔ ڈائریکٹر میڈیا کی تنخواہ اور مراعات کا پیکیج 10 لاکھ روپے ہوگا۔ اس سلسلے میں پاکستان کرکٹ بورڈ کے ایچ آر ڈپارٹمنٹ نے انٹرویوز مکمل کر لئے ہیں اور جلد ہی ایم ڈی اور ڈائریکٹر کے عہدے پر نئی تعیناتیاں کی جائیں گی۔