پاکستان میں میڈیاپر پابندیوں سے آگا ہ ہیں،امریکا۔۔

امریکی وزیرخارجہ انٹو نی بلنکن کا کہنا ہے کہ پاکستان میں میڈیا اور سول سوسائٹی پر پابندیوں سے آگاہ ہیں،پاکستانی حکومت کے ساتھ آزادی اظہار رائے پرپابندیوں کا معاملہ اٹھاتے رہے ہیں۔نجی ٹی وی” جیو نیوز “کےمطابق آزادی صحافت کے عالمی دن پر امریکی وزیر خارجہ انٹونی بلنکن نے کہا کہ پاکستان میں میڈیا آؤٹ لیٹس اور سول سوسائٹی پرپابندیوں سےآگاہ ہیں، ان اقدامات سےآزادی اظہار رائے کو کمزورکیاجاتا ہے اور اس سے پرامن احتجاج کو نقصان پہنچتا ہے۔انہوں نے کہا کہ ان اقدامات سے پاکستان کا تشخص اور ترقی کی صلاحیت کمزورہوتی ہے، ہم براہ راست اور روز مرہ کی بنیاد پر ہونے والے روابط میں یہ معاملہ اٹھاتے ہیں۔