آل پاکستان نیوز پیپرز سوسائٹی کے سیکرٹری جنرل سرمد علی نے اعلان کیا ہے کہ اے پی این ایس کی رکن مطبوعات عید الفطر کے موقع پرتعطیل کی وجہ سے 2؍ دن شائع نہیں ہونگی۔ عید کے موقع پر ہو نے والی تعطیلات کے شیڈول کے مطابق عید بدھ 5؍جون 2019ء ہونے کی صورت میں جمعرات 6؍ جون 2019ء اور جمعہ 7؍ جون 2019ء کو صبح کے اخبارات شائع نہیں ہو نگے جبکہ بدھ05 جون2019ء اور جمعرات 6؍ جون 2019ء کو شام کے اخبارات شائع نہیں ہونگے تاہم اگر شام کے اخبارات چاہیں تو جمعہ 7؍ جون2019ء کواپنے ایڈیشن شائع کر سکتے ہیں۔ عید جمعرات 6؍ جون 2019ء ہونے کی صورت میں جمعہ 7؍ جون2019ء اور ہفتہ 8؍ جون 2019ء کو صبح کے اخبارات شائع نہیں ہونگے جبکہ جمعرات6؍ جون 2019ء اور جمعہ 7؍ جون 2019ء کو شام کے اخبارات شائع نہیں ہو نگے تاہم اگر شام کے اخبارات چاہیں تو ہفتہ8؍ جون2019ء کو اپنے ایڈیشن شائع کر سکتے ہیں۔
