ٹوئنٹی فور نیوز میڈیا انڈسٹری کا پہلا نیوز چینل ہے جس نے انٹرٹینمنٹ کے حوالے سے ایوارڈ شو کرادیئے۔۔ اس حوالے سے ایک شاندار تقریب کا اہتمام کراچی کے ایک مشہور ادارے میں کیا گیا۔۔ تقریب میں فنکاروں کی بڑی تعداد نے شرکت کی۔۔یہ آئیکون ایوارڈ ۔۔ٹوئنٹی فور نیوز نے یہ ایوارڈ اپنے ہائی ریٹنگ شو کیا ڈرامہ ہے کے ایک لاکھ سبسکرائبر اور سو اقساط پورے ہونے کی خوشی میں کیا۔یہ پروگرام گزشتہ ایک سال سے شوبز ، ڈرامہ فیلڈ کے لوگوں میں کافی مقبول ہے۔ ایوارڈ شو میں چھبیس کیٹیگریز میں ایوارڈ دیئے گئے اور سب سے اہم یہ بات رہی کہ اس ڈرامے میں کسی قسم کی پرفارمنس نہیں تھی۔۔ اور نہ ہی نامزد لوگوں کو مدعو کیا گیا تھا بلکہ جسے ایوارڈ دینا تھا اسی کو پروگرام میں بلایا گیا ۔۔ ایوارڈ کے میزبان مکرم کلیم اور نادیہ خان تھے۔۔ایکسپریس انٹرٹینمنٹ کی مشہور ڈرامہ سیریز ’رضیہ‘ میں جاندار پرفارمنس پر محب مرزا نے بہترین اداکاری کا ایوارڈ جیت لیا۔اداکار محب مرزا نے انسٹاگرام پر ایوارڈ کے ساتھ اپنی ایک تصویر شیئر کی ہے اور ایوارڈ جیتنے پر شکر گزاری کے جذبات کا اظہار کیا ہے۔انہوں نے ایوارڈ تقریب کے ججوں اور جیوری کا بھی شکریہ ادا کیا جس میں مرینہ خان، ماریہ وسری، روبینہ اشرف، نادیہ خان اور مکرم کلیم شامل تھے۔رضیہ‘ میں محب مرزا نے ’سلیم‘ نامی شخص کا کردار ادا کیا ہے جو معاشرے کے مختلف طبقوں کیلئے تعلیم کے حصول میں رکاوٹوں پر آگاہی پیدا کرتا ہے۔واضح رہے کہ ڈرامہ آئیکون ایوارڈز 2023 کے پہلے ایڈیشن میں ڈرامہ سیریل ’رضیہ‘ نے آٹھ شعبوں میں ایوارڈ اپنے نام کیے ہیں۔یہ ایوارڈ شو ٹوئنٹی فور نیوز پر 24 دسمبر کی رات دکھایا جائے گا۔۔
