نازیباوڈیولیکس پرٹک ٹاکرکا شوبزچھوڑنے کا اعلان۔۔

نامناسب ویڈیوز وائرل ہونے کے بعد ٹک ٹاکر مناہل ملک نے شوبز چھوڑنے کا اعلان کردیا۔مناہل ملک نے انسٹاگرام اور ٹک ٹاک پر کی گئی پوسٹ میں سوشل میڈیا کو خیرباد کرنے کا اعلان کیا۔اگرچہ انہوں نے واضح طور پر نہیں لکھا کہ وہ سوشل میڈیا سے دور ہو رہی ہیں، تاہم انہوں نے مداحوں کو مخاطب ہوتے ہوئے لکھا کہ ان کے لیے مداحوں کو خدا حافظ کہنا آسان نہیں۔مناہل ملک نے لکھا کہ وہ جا رہی ہیں لیکن وہ ہمیشہ اپنے مداحوں کو یاد رکھیں گی۔انہوں نے مداحوں کو اپنا خیال رکھنے کی تاکید کرتے ہوئے لکھا کہ ایک دوسرے سے لڑائی نہ کریں اور محبتیں پھیلائیں۔مناہل ملک نے سوشل میڈیا کو خیرباد کہنے کی پوسٹ ایسے وقت میں کی ہے جب کہ ایک دن قبل ہی انہوں نے مایوس کن پوسٹس کرتے ہوئے بتایا تھا کہ ویڈیوز وائرل ہونے کے بعد انہیں تنگ کیا گیا، وہ اندر سے مر چکی ہیں۔انہوں نے انسٹاگرام اسٹوری میں لکھا تھا کہ وہ لوگوں کے رویوں سے تھک چکی ہیں اور اندر سے مر چکی ہیں۔خیال رہے کہ گزشتہ ہفتے مناہل ملک کی مبینہ نامناسب ویڈیوز وائرل ہوئی تھیں، جس پر انہوں نے ایک ویڈیو پیغام میں بتایا تھا کہ پھیلنے والی ویڈیوز جعلی ہیں، ان کی ویڈیوز کو ایڈٹ کر کے پھیلایا گیا۔