نئے سال پر 51 اقسام کے موبائل فونز پر واٹس ایپ بند۔۔

واٹس ایپ اب بہت سے صارفین کے لئے آنے والے سال 2023 میں استعمال کے قابل نہیں رہے گا۔ہر سال کی طرح اس سال کے اختتام پر بھی بہت سے پرانے آپریٹنگ سسٹمز والے اینڈرائیڈ اور آئی او ایس کے صارفین 2023 میں پیغام رسانی کی یہ ایپلی کیشن استعمال نہیں کر سکیں گے۔اس سے قبل ایپل نے اکتوبر میں اپنی رپورٹ میں بتایا تھا کہ آئی او ایس 10 اور 11 استعمال کرنے والے صارفین تک واٹس ایپ کی رسائی ممکن نہیں ہوگی جس کے بعد کمپنی نے آئی او ایس کو اپ ڈیٹ کرنے پر زور دیا تھا۔تاہم اب 2 آئی فون سمیت 49 اسمارٹ فونز والے صارفین 31 دسمبر کے بعد سے واٹس ایپ استعمال نہیں کر سکیں گے۔