نئے سال کی پہلی فلم ریلیز کیلئے تیار۔۔

نئے سال کی پہلی پاکستانی فیچر فلم نایاب26 جنوری کو ملک بھر کے سینما گھروں میں نمائش کے لئے تیار ہے، یمنا زیدی، فواد خان، جاوید شیخ ہما نواب نے اس فلم میں مرکزی کردار ادا کیے ہیں یمنا زیدی جنہوں نے ٹیوی اسکرین پر اپنی مقبولیت ثابت کر دی ہے وہ اپنی پہلی فلم کی کامیابی کے متعلق بہت پُر اعتماد ہیں اور اُن کا کہنا ہے کہ اپنے مشکل کردار کو بھرپور طور پر ادا کرنے کے لیے بہت مہنت کی ہے اور یہ فلم دیکھنے والوں کو بہت پسند آئیگی۔فواد خان کی بھی یہ پہلی فلم ہے اس سے پہلے وہ تھیٹر اور اشتہارات میں اپنی صلاحیتیں منوا چکے ہیں۔ جاوید شیخ ایک طویل عرصے سے ٹیوی اور فلموں میں جلوہ گر ہو رہے ہیں انہیں امید ہے کہ وہ فلم میں اپنے منفی کردار سے بھی ناظرین کی توجہ حاصل کر لیں گے۔ فلم کے ہدایت کار عمیر ناصر کا کہنا ہے کہ فلم میں سب نے جان توڑ محنت کی ہے اور کہانی بھی بہت دلچسپ ہے اسلئے یہ فلم ضرور کامیابی حاصل کرےگی۔