ملک کیلئے مختلف شعبوں میں اعلیٰ کارکردگی پر مختلف شخصیات کو صدارتی ایوارڈ سے نوازا گیا۔ فنون ومصوری میں عبدالقدوس عارف کوصدارتی ایوارڈ برائے حسن کارکردگی دیا گیا،شعبہ انسان دوستی میں خدمات پرعدنان علی کو ستارہ امتیاز کے اعزاز سے نوازاگیا، اس کے علاوہ شعبہ فنون و اداکاری میں سکینہ سموں کوصدارتی ایوارڈ برائے حسن کارکردگی دیاگیا،شعبہ فنون وآرٹ میں ذوالفقار علی کوصدارتی ایوارڈ برائے حسن کارکردگی دیاگیا،شعبہ فنون وادب میں مہتاب محبوب کو صدارتی ایوارڈ برائے حسن کارکردگی دیا گیا۔تمغہ برائے حسن کارکردگی حاصل کرنے والے فن کاروں میں اداکار ہمایوں سعید، ، گلوکار علی ظفر،گلو کار محمد علی شہکی، اداکارہ صائمہ شاہ المعرف ریشم، ، اداکارہ سکینہ سموں، گلوکارہ ثریا خان (مہ جبین قزلباش)، گلوکار کرشن جی، ، گلوکار کرشن ، نعت خواں اور صوفی گلوکارہ حنا نصراللہ کے نام شامل ہیں۔۔معروف شاعر احمد فراز اورعظیم صوفی گلوکارہ عابدہ پروین ،شہرہ آفاق مصور اور خطاط صادقین نقو، معروف مصور پروفیسر شاکر علی، مصور اور مجسمہ ساز مرحوم ظہورالحق اور ممتاز ادیب جمیل جالبی کو نشان امتیازسے نوازا گیا۔۔فن کے شعبے میں ستارہ امتیاز حاصل کرنے والوں میں اداکارہ بشریٰ انصاری، اداکار طلعت حسین، مصور محمد عمران قریشی، سلطانہ صدیقی اور کارٹونسٹ فاروق قیصر عرف انکل سرگم کے نام شامل ہیں۔ جب کہ زیبا شہناز اور اداکارعبدالماجد جہانگیر نے تمغہ امتیاز حاصل کی۔۔
