ویڈیو شیئرنگ ایپ ٹک ٹاک پر مزاحیہ ویڈیوز بناکر لاکھوں مداحوں کی تعریفیں سمیٹنے والی رومیسہ خان ماضی کے نامور کامیڈین تنویر خان کی صاحبزادی نکلیں۔۔ رومیسہ خان نے ایک نجی ٹی وی چینل کے مارننگ شو میں میزبان کے سوالات کے جواب دیتے ہوئے انکشاف کیا کہ ’اُن کے والد تنویر اختر خان ماضی کے مزاحیہ اداکار تھے، اُنہوں نے اپنی زندگی میں پاکستان کے سرکاری ٹی وی چینل پر ایک ڈرامے میں مرکزی کردار بھی کیا تھا۔ٹک ٹاک اسٹار نے بتایا کہ ’میں اپنے والد کی مزاحیہ اداکاری سے بےحد متاثر تھی اور والد کی طرح مجھے بھی بچپن سے ہی مزاحیہ اداکاری کا شوق تھا یہی وجہ ہے کہ میری زیادہ تر ٹک ٹاک ویڈیوز مزاحیہ ہوتی ہیں۔اُنہوں نے کہا کہ ’میں جب اسکول میں تھی تو اُس وقت بھی مختلف سرگرمیوں میں حصہ لیکر اپنی اداکاری کا شوق پورا کرتی تھی اور اس ضمن میں میرے والد نے مجھے بہت سپورٹ کیا تھا۔رومیسہ خان نے اپنی زندگی کی تلخ حقیقت بیان کرتے ہوئے کہا کہ ’جب ڈیڑھ سال قبل میرے والد کا انتقال ہوا تو اُس وقت میں نے دلبرداشتہ ہوکر اداکاری کرنا چھوڑ دی تھی کیونکہ وہ میرے لیے ایک بڑا صدمہ تھا اُس کے بعد میرے دوستوں نے مجھے ٹک ٹاک جوائن کرنے کا مشورہ دیا۔اُنہوں نے کہا کہ وہ مستقبل میں اپنے والد کی طرح مزاحیہ اداکاری کرنے کا ہی شوق رکھتی ہیں۔واضح رہے کہ ویڈیو شیئرنگ ایپ ٹک ٹاک پر رومیسہ خان کو 4 اعشاریہ 8 ملین یعنی 48 لاکھ صارفین نے فالو کیا ہوا ہے۔
