ملتان یونین آف جرنلسٹس کے الیکشن برائے سال 26-2025ء پانچ فروری کو ہوں گے، گزشتہ روز کاغذات نامزدگی وصول کرنے کی آخری تاریخ تھی، مجموعی طور پر17 عہدوں کے لیے 58 امیدواروں نے اپنے کاغذات نامزدگی جمع کرائے۔ چیئرمین الیکشن کمیٹی طاہر ندیم کی جاری کردہ پریس ریلیز کے مطابق صدر کی نشست پر 5 اُمیدواروں،نایب صدر کی دو نشستوں یہ مجموعی طور پر 6 امیدواروں، جنرل سیکرٹری کی ایک نشست پر 6 امیدواروں اور فنانس سیکرٹری کی ایک نشست پر 6 امید واروں جبکہ جو ائنٹ سیکریڑی کی دونشستوں پر 5 امیدواروں نے کاغذات جمع کرائے۔ اسی طرح مجلس عاملہ کی (10) نشستوں پر مجموعی طور پر 30 کاغذات نامزدگی جمع کرائے ۔ تیس جنوری بروز جمعرات امیدواروں کی ابتدائی فہرست جاری کر دی جائے گی۔اعتراضات اور اپیلوں کی سماعت 31جنوری بروز جمعہ ہوگی اور اسی روز امیدواروں کی غیر حتمی فہرست جاری کر دی جائے ۔کاغذات نامزدگی کی واپسی یکم فروری بروز ہفتہ ہوگی اور حتمی فہرست 2 فروری بروز اتوار جاری کی جائے گی۔ الیکشن کے لئے پولنگ 5فروری بروز بدھ صبح 10 بجے سے شام 5بجے تک پریس کلب میں ہوگی۔
