ایم کیوایم پاکستان نے رپورٹرز کی حمایت کردی۔۔

متحدہ قومی موومنٹ پاکستا ن کے حق پرست اراکین سندھ اسمبلی نے حکومت سندھ اور بلدیہ عظمی کراچی کی جانب سے بلدیاتی اخباری رپورٹرز کو ادارے میں داخلے پر پابندی عائد کئے جانے کی مذمت کرتے ہوئے کہا کہ بلدیاتی رپورٹرز کے داخلے پر پابندی لگا کر عوام تک معلومات کی رسائی کو نا ممکن بنایا جارہا ہے جو عوام کا آئینی حق ہے اور حکومت رپورٹرز کو روک کر آئین سے انحراف کر رہی ہے، دوسری جانب رپورٹرز سراپا احتجاج ہیں اور ایم کیو ایم پاکستان ان سے مکمل اظہار یکجہتی کرتے ہوئے سندھ ہائی کورٹ کے چیف جسٹس اور گورنر سندھ سے مطالبہ کرتی ہے کہ بلدیاتی رپورٹرز سے پابندی ختم کی جائے اور تمام معاملات سے میڈیا کو آگا ہ رکھا جائے تاکہ عوام باخبر رہیں۔