معروف پاکستانی میزبان و اداکارہ ندا یاسر اپنے مارننگ شو کی ایک پرانی ویڈیو کلپ وائرل ہونے کے بعد سوشل میڈیا سائٹ ٹوئٹر پر پاکستان میں ٹاپ ٹرینڈ بن گئی ہیں۔اس وائرل ویڈیو کلپ میں ندا کو۔۔نسٹ۔۔یونیورسٹی کے طلباء سے کچھ سوالات کرتے ہوئے دیکھا جا سکتا ہے جنہوں نے ایک فارمولا ون ریسنگ کار بنائی اور طلباء کو ان کی اس شاندار کامیابی پر ندا یاسر کے مارننگ شو میں مدعو کیا گیا تھا۔ندا یاسر کو ویڈیو میں طلباء سے چند سوال پوچھتے ہوئے دیکھا جاسکتا ہے، ندا یاسر نے فارمولا 1 ریسنگ کار کے بارے میں پوچھا کہ کیا اس میں ایک سے زیادہ لوگ بیٹھ سکتے ہیں؟طالب علم نے ندا کے سوال کا جواب دیا کہ ’دراصل یہ فارمولا کار ہے لہٰذاصرف ایک ہی فرد بیٹھ سکتا ہے۔جس پر ندا نے کہا کہ ’او تو ابھی یہ صرف ایک فارمولا ہے، کیا آپ نے ابھی تک اس کا کسی کار پر تجربہ کیا ہے؟ندا کے اس سوال پر ایک طالب علم نے ندا یاسر کی اصلاح کرتے ہوئے کہا کہ ’نہیں، یہ ایک فارمولا کار ہے۔ ہم نے بنائی ہے اور یہ ایک ریس کار ہے۔جس پر ندا یاسر نے ایک اور مضحکہ خیز سوال پوچھ کر سب کو حیران کردیا کہ ’تو، کیا یہ پیٹرول کار کی طرح تیز چلتی ہے؟ندا یاسر کے شو کی یہ پرانی ویڈیو کلپ ایک بار پھر سوشل میڈیا پر وائرل ہوگئی ہے اور فارمولا کارز کے بارے میں معلومات نہ ہونے پر سوشل میڈیا صارفین اس ویڈیو کلپ پر دلچسپ تبصرے کررہے ہیں جس کی وجہ سے ندا یاسر اس وقت پاکستان میں ٹوئٹر کے ٹاپ ٹرینڈز کا حصّہ بنی ہوئی ہیں۔معروف کامیڈین، گلوکار، اداکار و میزبان علی گُل پیر نے اداکارہ و میزبان ندا یاسر کی سوشل میڈیا پر وائرل ہونے والی ویڈیو کلپ پر دلچسپ پیروڈی کی ہے۔علی گُل پیر نے فوٹو اینڈ ویڈیو شیئرنگ ایپ انسٹاگرام پر ندا یاسر کی سوشل میڈیا پر وائرل ہونے والی ویڈیو کلپ پر دلچسپ پیروڈی بنا کر شیئر کی ہے۔انہوں نے یہ ویڈیو شیئر کرتے ہوئے اپنی پوسٹ کو کیپشن دیا ’مارننگ شو میزبان بمقابلہ انجینئرز۔علی گُل پیر کی اس دلچسپ پیروڈی کو اداکارہ ماہرہ خان سمیت کئی معروف شوبز اداکاروں اور سوشل میڈیا صارفین کی جانب سے بہت پسند کیا جارہا ہے ۔ دوسری جانب اداکار فیصل قریشی نے تو اس ویڈیو کو اپنی انسٹا اسٹوری پر شیئر کردیا۔فیصل قریشی نے ویڈیو شیئر کرتے ہوئے لکھا کہ ’اس ویڈیو نے دھوپ میں آؤٹ ڈور شوٹس پر موڈاچھا کردیا۔
