تحریر: عمیرعلی انجم۔۔
تو آپ لوگ کیا سمجھ رہے تھے ۔۔۔۔عمیر علی انجم مر گیا ۔۔۔۔۔۔کچھ معاملات ایسے ہوگئے تھے جن کا اندازہ کوئی ”بیروزگار” ہی کرسکتا ہے ۔۔۔۔ہاں یہ ضرور ہے کہ اللہ نے مجھے اتنی طاقت ضرور دی ہے کہ حالات سے نبرد آزما ہوسکوں ۔۔۔۔جس تیزی کے ساتھ میرے بے روزگار ساتھی اس دنیا کو چھوڑ کر جارہے ہیں تو آپ کا یہ سوچنا بجا تھا کہ شاید عمیر علی انجم بھی گزر گیا ۔۔۔۔۔۔
اپنے ارد گرد نظر دوڑاتا ہوں تو دل یہی چاہتا کہ اب مرنا ہی بہتر ہے لیکن پھر میر ابراہیم ذوق یاد آجاتے ہیں ،جنہوںنے کہا تھا کہ ”اب تو گھبراکے یہ کہتے ہیں کہ مرجائیں گے۔۔۔مرکے بھی چین نہ آیا توکدھر جائیںگے۔۔۔۔۔۔تو جناب وہی ”عظیم رہنما” ہیں ۔۔۔۔وہی محلاتی سازشیں ہیں ۔۔۔۔وہی نعروں کی گونج ہے ۔۔۔۔وہی دلاسے ہیں ۔۔۔۔وہی آسرے ہیں ۔۔۔۔۔اور دوسری طرف صحافیوں کی وہی لاچاری ہے ۔۔۔۔۔۔وہی بے بسی ہے ۔۔۔۔ اور وہی بے موسمی اموات ہیں ۔۔۔۔۔۔
الیکشن الیکشن بھی کھیلا جارہا ہے ۔۔۔۔جیت کا جشن بھی منایا جاتا ہے لیکن یہ نہیں سوچا جاتا کہ بھائی آخر جشن کس فتح کا منا رہے ہو۔۔۔۔۔کیا حاصل کرلیا جس پر اتنے نازاں ہو ۔۔۔۔کتنے صحافیوں کو دوبارہ برسرروزگار کرادیا ۔۔۔۔کتنے مرحوم صحافیوں کے گھر والوں کی کفالت کی ہے ۔۔۔۔کتنے بے روزگار صحافیوں کی بہنوں کے ہاتھ پیلے کرانے کے لیے ان کی مدد کی ہے ۔۔۔۔تمہارا جشن نہیں تمہارا تو ماتم بنتا ہے ۔۔۔۔
کچھ خواتین ہیں جو کہتی ہیں ”میرا جسم میری مرضی” اور ہمارے رہنما کہتے ہیں ”میری یونین میری مرضی”۔۔۔ اب ان سے کوئی پوچھے کہ بھائی آپ کی پوری راجدھانی ان غریب صحافیوں کے دم سے ہی آباد ہے ۔۔۔۔۔طاقت ور آپ اتنے ہیں کہ کوئی آپ کا احتساب نہیں کرسکتا ۔۔۔۔سوال یہ بنتا ہے کہ آخر اب ہوگا کیا ؟؟؟ ویسے ایک ”مرحوم کمیٹیاں ” بھی تھیں۔۔۔۔۔جو دھرنے دیتی تھی ۔۔۔۔۔وزیروں سے مائیک چھینتی تھی۔۔۔۔۔۔اس نے پورے شہر میں بینرز آویزاں کرنے تھے ۔۔۔۔۔بڑے بڑے اجلاس بھی منعقد ہوتے تھے ۔۔۔۔۔۔پھر نجانے کیا ہوا کہ یہ نمائشی اقدامات بھی ختم ہوگئے ہیں ۔۔۔۔اب تو یقین مانیں کوئی پریس ریلیز تک نظر نہیں آتی ۔۔۔۔۔یہ صحافتی تنظیمیں تو عدیم عاشمی کے اس شعر کی تفسیر بن گئی ہیں کہ ”اتنا مانوس ہوں سناٹے سے ۔۔۔۔کوئی بولے تو برا لگتا ہے ” تو بھائی یہ نہیں بولیں گے تو کیا ہوا مجھے تو بولنا ہے ۔۔۔۔۔جب تک دم ہے میں بولتا ہی رہوں اور اپنی بساط کے مطابق صحافیوں کے لیے کام بھی کرتا رہوں گا ۔۔۔۔۔۔بقول راحت اندوری کہ ”ہمارے منہ سے جو نکلے وہی صداقت ہے ۔۔مارے منہ میں تمہاری زبان تھوڑی ہے ۔۔تو جناب !”آپ کی یونین آپ کی مرضی” تو پھر ”میرا قلم بھی میری مرضی۔۔(عمیر علی انجم)۔۔۔
