معروف سنگر علی ظفر کے خلاف سوشل میڈیا پر مہم چلانے کے مقدمے میں لاہور کی مقامی عدالت نے میشا شفیع کی حاضری سے استثنیٰ کی درخواست مسترد کرتے ہوئے قابل ضمانت وارنٹ گرفتاری جاری کر دیئے۔علی ظفر کی جانب سے دائر کیے گئے کیس میں اداکارہ عفت عمر اور علینا غنی سمیت دیگر ملزمان نے جوڈیشل مجسٹریٹ کے روبرو پیش ہو کر اپنی حاضری لگوائی۔ گلوکارہ میشا شفیع عدالت میں پیش نہیں ہوئیں بلکہ ان کی جانب سے حاضری سے استثنیٰ کی درخواست دائر کی گئی۔ درخواست میں کہا گیا کہ وہ نجی مصروفیات کے باعث عدالت میں پیش نہیں ہو سکتیں۔عدالت نے گلوکارہ کی حاضری سے معافی کی درخواست مسترد کرتے ہوئے قابل ضمانت وارنٹ گرفتاری جاری کردیے۔ عدالت نے کیس کی مزید سماعت 8 فروری تک ملتوی کردی۔
Facebook Comments
