میڈیا نمائندگان سے تلخ کلامی، سی پی او نے نوٹس لے لیا۔۔

راولپنڈی پولیس اور میڈیا نمائندگان کے درمیان تلخ کلامی، سی پی او محمد احسن یونس نے نوٹس لے لیا، ایس پی صدر اور اے ایس پی گوجرخان سرکل کو فوری طور پر معاملہ کی انکوائری کر کے رپورٹ پیش کرنے کا حکم دے دیا گیا۔ پولیس کے مطابق ایس پی صدر نے کہا ہے کہ میرٹ پر انکوائری کرتے ہوئے حقائق پر مبنی رپورٹ پیش کی جائے گی، کسی پولیس افسر یا اہلکار کے خلاف الزامات ثابت ہوئے تو کارروائی کی جائے گی۔ راولپنڈی پولیس میرٹ اور خود احتسابی کے عمل پر یقین رکھتی ہے جسے ہر صورت یقینی بنایا جائے گا۔