اسلام آباد ہائیکورٹ نے سرکاری ٹیلی ویژن کی طرف سے مسلم لیگ ن کے رہنمائوں پر عائد 19 کروڑ روپے جرمانے کی رقم وصولی کی درخواست پر اسحٰق ڈار ، سینیٹر پرویز رشید ، سابق ایم ڈی سرکاری ٹی وی عطاءالحق قاسمی اور فواد حسن فواد سے جواب طلب کرتے ہوئے سماعت 2 دسمبر تک ملتوی کر دی ہے، عدالت نے اٹارنی جنرل کو بھی آئندہ سماعت پر معاونت کیلئے طلب کر لیا ہے، سرکاری ٹی وی کی جانب سے دائر درخواست کی سماعت گزشتہ روز عدالت جسٹس محسن اختر کیانی نے کی، اس موقع پر عطا الحق قاسمی کے وکیل کاشف ملک نے درخواست کے قابل سماعت ہونے پر اعتراض اٹھاتے ہوئے کہا کہ کیس کا فیصلہ کرنے سے درخواست کے قابل سماعت ہونے پر فیصلہ کیا جائے،سپریم کورٹ نے کہیں نہیں لکھا کہ سرکاری ٹی وی رقم ہائیکورٹ کے ذریعے وصول کریگا، سرکاری ٹی وی کے وکیل نے کہا کہ سپریم کورٹ نے چاروں افراد پر19 کروڑ روپے جرمانہ عائد کیا گیا تھا ، سپریم کورٹ کے فیصلے پر عملدرآمد کیلئے ہائی کورٹ سے رجوع کیا ہے۔۔
