مذاق رات کی ٹیم مستعفی، سما جوائن کرلیا۔۔

دنیا نیوز کو بڑا جھٹکالگ گیا، کافی عرصے سے چلنے والے اور ریٹنگ دینے والے پروگرام مذاق رات کی ٹیم نے استعفا دے دیا، پپو نے انکشاف کیا ہے کہ مذاق رات کی ٹیم کو دنیا نیوز سے زیادہ پیکیج پر سما ٹی وی نے توڑ لیا ہے۔ پپو کے مطابق مذاق رات کی ٹیم اب آئندہ ماہ سے سما ٹی وی پر اپنا شو کسی نئے نام سے شروع کرے گی۔ واضح رہے میزبان واسع چودھری کے ساتھ افتخار ٹھاکر، اکرم اداس اور قیصر پیا کی ٹیم  مذاق رات میں ایک عرصے سے پرفارم کررہی ہے۔ اس سے پہلے اس پروگرام کی میزبانی کے فرائض معروف اداکار نعمان اعجاز ادا کیا کرتے تھے۔۔پپو کا کہنا ہے کہ مذاق رات کی ٹیم کے تمام تر تحفظات دور کرنے کے بعد سما ٹی وی کی انتظامیہ انہیں اپنے چینل میں لانے میں کامیاب ہوئی ہے۔