قومی اسمبلی کی قائمہ کمیٹی برائے اطلاعات و نشریا ت کا اجلاس ہواجس میں سینئر صحافی مطیع اللہ جان کے اغوا کیس پر ہونے والی پیشرفت پر عدم اطمینان کا اظہار کیا گیا ۔ چیئرمین کمیٹی نے آئندہ اجلاس میں اسلام آباد پولیس سے پھر جواب طلب کرلیا، کمیٹی کا اجلاس چیئرمین میاں جاوید لطیف کی زیر صدارت ہوا، کمیٹی کو بتایا گیا کہ 736مشکوک گاڑیوں میں سے 526کو چیک کر لیا گیا ہے ،ملزمان کے چہروں کی شناخت نہیں ہوئی۔پولیس نے قومی اسمبلی کی قائمہ کمیٹی اطلاعات میں اعتراف کیا ہےکہ صحافی مطیع ﷲ جان کے اغوا کاروں کے بارے میں کوئی سراغ نہیں مل سکا ، فوٹیج سے لوگوں کی تصدیق نہ ہی فنگر پرنٹ سے کوئی شناخت ہوسکی ،726 میں سے 536 گاڑیوں کی تفتیش کی مگر واقعہ میں استعمال شدہ مشتبہ گاڑیوں میں سے کسی کا کوئی سراغ نہیں ملا، کمیٹی نے پولیس رپورٹ پر عدم اطمینان کا اظہار کرتے ہوئے واضح کیاکہ اغوا کیس کو کسی صورت بے نتیجہ نہیں چھوڑا جائےگا ، کمیٹی کا اجلاس گزشتہ روزجاوید لطیف کی زیر صدارت ہوا، اغوا کیس تحقیقات پر اسلام آباد پولیس نے بریفنگ دی، جاوید لطیف نے استفسار کیاکہ 5 ماہ ہوچکے، پراگریس کچھ نہیں؟ آپکو معلوم ہے لیکن آپ بتانا نہیں چاہتے ؟ ایس پی سٹی عمرخان نے بیان دیاکہ واقعہ کی فوٹیج سےملزمان کی ابھی تک کوئی نشاندہی نہیں ہوئی، مطیع ﷲ کے بیان کے تناظر میں تفتیش کررہے ہیں ،ان سے رابطے میں ہوں جاوید لطیف نے کہا کہ اس واقعے کی تفتیش مکمل کرلیتے تو وکیل کے اغواء کا معاملہ نہ ہوتا۔
