فیڈرل بورڈ آف ریونیو ( ایف بی آر) کے کارپوریٹ ٹیکس آفس کراچی نے ٹیکس چوروں کے خلاف کاروائیاں تیز کرتے ہوئے بین الاقوامی شہرت یافتہ فیشن ڈزائینر نومی انصاری کے خلاف سوا ارب روپے کے سیلز ٹیکس فراڈ کی ایف آئی آر درج کرلی ہے۔ڈان نیوز کے مطابق کارپوریٹ ٹیکس آفس کراچی نے ٹیکس چوروں کے خلاف کارروائیوں میں تیزی لاتے ہوئے عالمی شہرت یافتہ پاکستانی فیشن ڈیزائنر نومی انصاری کے خلاف ایک ارب 25 کروڑ روپے کے سیلزٹیکس فراڈ کا مقدمہ درج کرلیا ہے۔ذرائع کے مطابق نومی انصاری کی بیرون ملک سے واپسی پر گرفتاری کا امکان ہے، ملزم کو گرفتارکرنے کے بعدکسٹمز اور ٹیکسیشن کورٹ کے سامنے پیش کیا جائے گا۔یاد رہے کہ کارپوریٹ ٹیکس آفس نے رواں سال فروری میں کراچی میں غیر معمولی کارروائی کرتے ہوئے نومی انصاری کی فیکٹری اور مختلف آؤٹ لیٹس کو سیلز ٹیکس فراڈ اور پوائنٹ آف سیل قوانین کی خلاف ورزی کے باعث سیل کردیا تھا۔کارپوریٹ ٹیکس آفس کراچی نے مجسٹریٹ سے سرچ وارنٹس حاصل کرنے کے بعد نومی انصاری کی فیکٹری اور شہر کے مختلف علاقوں مہران ٹاؤن، کورنگی اور ڈی ایچ اے میں واقع اہم آؤٹ لیٹس پر چھاپے مارے تھے۔
معروف فیشن ڈیزائنر کے خلاف سوا ارب روپے فراڈ کا مقدمہ درج۔۔
Facebook Comments
