مالکان بدل گئے،قسمت نہ بدل سکی۔۔۔

نیوز ون میں انتظامیہ اور مالکان تو بدل گئے لیکن ملازمین کی قسمت نہ بدل سکی۔۔دسمبر کی تنخواہ ابھی تک نہیں دی جاسکی۔۔ پپو کا کہنا ہے کہ ملازمین کو کہاجارہا ہے کہ تنخواہ پچیس تاریخ تک ملے گی۔۔ پپو کا کہنا ہے کہ نئی انتظامیہ نے جب سے چارج سنبھالا ہے تنخواہ ویسے تو ہر ماہ مل رہی ہے لیکن مہینے کے آخر میں دی جاتی ہے۔۔ یعنی پینتالیس پچاس دن بعد ایک تنخواہ دی جارہی ہے۔۔ پپو کا مزید کہنا ہے کہ پنجاب سے آئے دس سے پندرہ گارڈز کو ناشتے سے لے کر کھانا بھی ادارے کی طرف سے دیا جارہا ہے اور سیلری بھی ہر ماہ کی پانچ تاریخ تک مل جاتی ہے۔۔ پپو کےمطابق ادارے میں جابجا سی سی ٹی وی کیمرے بھی نصب کردیئے گئے ہیں اور نیوزروم کے بڑوں کے کمروں میں بھی سی سی ٹی وی لگائے گئے ہیں جن کی خاصیت یہ ہے کہ یہ کیمرے بات چیت بھی ریکارڈ کرتے ہیں۔۔