جاپان میں ایک فلم کی شوٹنگ کے لیے جانے والی پاکستانی ٹیم ٹوکیو میں پھنس گئی۔معروف ادکار و رائٹر تنویر جمال کا کہنا ہے کہ سر ی لنکن ائیرلائن نے اچانک پروازیں منسوخ کردی ہیں، جس کے باعث وہ دیگر فنکاروں کے ساتھ ٹوکیو میں پھنسے ہوئے ہیں اور پاکستان واپسی کے منتظر ہیں۔ جیو نیوز کے مطابق تنویر جمال نے کہا کہ فنکاروں کے لیے متبادل پرواز کی کوشش کررہے ہیں جب کہ ان کے گروپ میں اداکارہ مائرہ خان، تیمور خان، کئی کیمرہ مین اوردیگرشامل ہیں۔انہوں نے کہا کہ ہم امارات ائیرلائن سے فنکاروں کو پاکستان بھیجنے کی کوشش کررہے ہیں، تاہم ہمیں مشکلات کا سامنا ہے، اگر مسئلہ حل نہ ہوا تو سفارتخانہ پاکستان سے مدد طلب کریں گے۔یاد رہے کہ دنیا بھرمیں کورونا وائرس کی وبا پھیلنے کے بعد متعدد ائیرلائنز نےاپنی پروازیں محدود کر دی ہیں جب کہ بعض ممالک نے بھی غیرملکی پروازوں کی آمد پر پابندی عائد کر دی ہے
