لاہور پریس کلب کا ویب ایکسلز سے معاہدہ۔۔

لاہورپریس کلب کے معزز ممبران اور ان کے بچوںکوانفارمیشن ٹیکنالوجی کے جدید علوم میں کیپسٹی بلڈنگ بڑھانے کے لئے ویب ایکسلز کے سی ای او محمد شہباز صدیق کے ساتھ معاہدہ طے پاگیاہے ۔ لاہوپریس کلب کے صدر اعظم چوہدری اور ویب ایکسلز کے سی ای او محمد شہباز صدیق نے معاہدے کے دستاویزات پر دستخط کئے ۔ لاہورپریس کلب کے جوائنٹ سیکرٹری حسن تیمور جکھڑ ، فنانس سیکرٹری حافظ فیض احمد ، ممبر گورننگ باڈی عالیہ خان ، اسد جعفری ، محمد کلیم، سینئرفوٹوجرنلسٹ عمرشریف اورMY IMPACT METER کی سی ای او کنول چیمہ سمیت دیگر معاہدے کی تقریب میں موجود تھے۔ معاہدے کے مطابق Web Excels ممبران اور ان کے بچوں کو آئی ٹی کے مختلف پروگرامز میں سکالرشپس مہیا کرے گا اور تمام پروگرامز میں پچاس فیصد رعائت بھی دی جائے گی۔ لاہورپریس کلب اور Web Excels کے تعاون سے صحافیوں کو جدیدٹیکنالوجی سے ہم آہنگ کرنے کے لئے ڈیجیٹل میڈیا اور یوٹیوب سمیت دیگر آئی ٹی سیکٹرز میں خصوصی پروگرامز ترتیب دیئے جائیں گے جس سے ان کی پروفیشنل ہنرمندی میں اضافہ کیاجائے گا ۔آئی ٹی کیپسٹی بلڈنگ میں اضاضہ کے لئے ورکشاپس اور سیمینارزبھی منعقد کئے جائیں گے ۔ Web Excels کے سی ای او محمد شہباز صدیق نے اس موقع پر کہاکہ موجودہ دور انفارمیشن ٹیکنالوجی کا دور ہے جس میں موبائل اور کمپیوٹرکے ذریعے دنیابھرمیںلمحہ بالمحہ رونما ہونے والے واقعات سے آگاہی بے حدضروری ہے اور اب وہی شخص یا ادارہ کامیاب رہے گا جو ان جدید خطوط پر خود کو استوار کرے گا۔ انھوںنے مزیدکہاکہ ہمارے لئے اعزاز ہے کہ صحافیوں اور ان کے اہلخانہ کی کیپسٹی بلڈنگ کی ڈیویلپمنٹ کے لئے ہمیں خدمت کاموقع میسر آرہاہے۔ لاہورپریس کلب کے صدر اعظم چوہدری نے Web Excels کے ساتھ معاہدہ کرانے پر جوائنٹ سیکرٹری حسن تیمورجکھڑ اور ممبر گورننگ باڈی عالیہ خان کی کاشوں کو سراہا۔ انھوںنے کہاکہ لاہورپریس کلب کے عہدیداران جدید علوم کی اہمیت سے آگاہ ہیں او راس سلسلہ میں معزز ممبران اور ان کے اہلخانہ کے لئے ایسے پروگرامز ترتیب دے رہے ہیں جس سے وہ آئی ٹی سیکٹر میں جدید علوم حاصل کرسکیں ۔ انھوں نے مزید کہاکہ لاہورپریس کلب میں بھی ایک جدید لیب بنائی جارہی ہے جس میں استعمال ہونے والا قیمتی سامان جلد کلب میں ڈسپلے کردیاجائے گاجہاں ممبران جدید انفارمیشن ٹیکنالوجی مستفیدہو سکیں گے ۔ انھوں نے آئی ٹی شعبہ میں جدید پروگرامز سکھانے کا معاہدہ کرنے پر Web Excels کے سی ای او محمد شہبازصدیق کا شکریہ اداکیا اور انھیں کلب کی جانب سے یادگاری شیلڈپیش کی۔