لاہور پریس کلب الیکشن، ارشدانصاری پھر صدرمنتخب۔۔

لاہور پریس کلب کے سالانہ انتخابات میں ارشد انصاری ایک بار پھر لاہور پریس کلب کے صدر منتخب ہو گئے۔ جرنلسٹ پروگریسوپینل کے ارشد انصاری 1108 ووٹ لے کر کامیاب قرار پائے جبکہ پائنیرز پروگریسو گروپ کے بابر ڈوگر 818 ووٹ لے کر دوسرے نمبر پر رہے۔سینئر نائب صدر کی نشست پر افضال طالب 1123 ووٹ لے کر کامیاب ہوئے جبکہ سینئر نائب صدر کی نشست پر حافظ فیض 780 ووٹ لے سکے، نائب صدرکی نشست پر صائمہ نواز 980 ووٹ لےکر کامیاب ہوئیں جبکہ امجد عثمانی 873 ووٹ لے سکے ۔جنرل سیکرٹری کی نشست پر زاہد عابد 904 ووٹ لے کر کامیاب رہے جبکہ زاہد شیروانی نے 616،جعفربن یار نے 375 ووٹ حاصل کئے ، فنانس سیکرٹری کی نشست پر سالک نواز 1163 لے کر کامیاب قرار پائے جبکہ جواد رضوی نے 692 ووٹ حاصل کیے۔جوائنٹ سیکرٹری کی نشست پر عمران شیخ 764 ووٹ لے کر کامیاب ہوئے جبکہ مخدوم اطہر 687،فرخ بٹ 360 اور ظہیر شیخ 100 ووٹ حاصل کر سکے۔گورننگ باڈی کیلئےجرنلسٹ پروگریسوپینل اورپائنیرزپروگریسوکےچار،چارارکان کامیاب ہوئے۔جرنلسٹ پروگریسو پینل کے الفت مغل،خواجہ سرمد فرخ، رانا شہزاد، شاہدہ بٹ جبکہ پائنیرز پروگریسو پینل کے محبوب شیخ، محبوب چودھری، بدر سعید، شاکر اعوان کامیاب ہوئے جبکہ آزاد امیدوار کیمرہ مین اسد گڈو بھی گورننگ باڈی کا حصہ بن گئے ۔مدثر شیخ 825،خواجہ سرمد فرخ 675 اور رانا شہزاد 673ووٹ لے کر کامیاب ہوئے ، بدر سعید 678 ،شاہدہ بٹ 619 اور محبوب چودھری 605 ووٹ لیکر جیت گئے ، شاکر محمود اعوان 579،اسد محمود 576 اور الفت مغل 574 ووٹ لیکر کامیاب ہو گئے۔