لاہور پریس کلب کے صدر ارشد انصاری سینئر نائب صدر شیر از حسنات، نائب صدر امجد عثمانی سیکرٹری زاہد عابد، جوائنٹ سیکرٹری جعفر بن یار ، فنانس سیکرٹری سالک نواز اور اراکین گورننگ باڈی نے پریس کلب کے کونسل ممبر اور ڈان نیوز کے رپورٹر محمد تیمور کے ساتھ صحافتی فرائض کی ادائیگی کے دوران ڈکیتی کی واردات کی پر زور مذمت کی ہے۔ تفصیلات کے مطابق ڈان نیوز کے رپورٹر محمد تیمور تھا نہ ستوکتلہ کے علاقہ خیابان جناح روڈ پر بارش کے پانی کی کوریج میں مصروف تھے کہ موٹر سائیکل سوار مسلح افراد نے اسلحہ کے زور پر انکی موٹر سائیکل چھین لی اور فرار ہو گئے۔ گورننگ باڈی نے واقعہ پر شدید افسوس کا اظہار کرتے ہوئے کہا کہ شہر میں لاقانونیت حد سے تجاوز کر چکی ہے جس پر پولیس قابو پانے میں ناکام نظر آتی ہے۔ انھوں نے اعلیٰ پولیس حکام سے اس واقعہ کا فوری نوٹس لیتے ہوئے ملزمان کی فوری گرفتاری اور صحافی کے نقصان کاازالہ کروانے کا مطالبہ کیا ہے ۔
