کراچی یونین آف جرنلسٹس دستور کراچی پریس کلب کے نئے بننےوالے ممبران کے اعزاز میں ہفتہ کو کراچی پریس کلب میں استقبالیہ دے گی ۔سندھ کے مشیر اطلاعات بیرسٹر مرتضی وہاب تقریب کے مہمان خصوصی ہوں گے ۔ کے یو جے کےصدر طارق ابوالحسن ، سیکریٹری اور اراکین مجلس عاملہ نے جاری بیان میں کہا ہے کہ تقریب میں 650 سے زائد نئے بننے والے ممبران شرکت کریں گے , پروگرام سہ پہر تین بجے پریس کلب میں شروع ہوگا ۔ انہوں نے کہا ہے کہ تقریب میں کراچی پریس کلب کے صدر، سیکریٹری اور اراکین مجلس عاملہ کے علاوہ سنئیر صحافی بھی خصوصی شرکت کریں گے۔انہوں نے کہا ہے کہ ہم ایک بار پھر نئے بننے والے ممبران کو دعوت دیتے ہیں کہ وہ ہفتہ کو ان کے اعزاز میں ہونے والے پروگرام میں وہ شریک ہوں ۔
Facebook Comments
