نیشنل کمیشن فار ہیومن رائٹس نے ڈیجیٹل رائٹس فاؤنڈیشن اور سینٹر فار ایکسی لینس ان جرنلزم کے تعاون سے خواتین صحافیوں کے لئے شکایت سیل کا اعلان کیا ہے۔۔این سی ایچ آر کی چیئرپرسن رابعہ جویری آغا کے مطابق شکایت سیل انسانی حقوق کے مسائل کو حل کرنے کے لیے وقف ہو گا جو آزادی صحافت کو یقینی بنانے کے لیے خواتین صحافیوں کو نشانہ بنانے سے پیدا ہوتے ہیں۔ انہوں نے کہا کہ “آزادی صحافت اور میڈیا کی آزادی کسی بھی کام کرنے، کامیاب جمہوریت کے لیے سنگ بنیاد ہیں۔پیشہ ورانہ فرائض کی انجام دہی کے دوران پیش آنے والے خدشات اور چیلنجز پر تبادلہ خیال کرنے کے لیے خواتین صحافیوں کے ساتھ منعقدہ ایک مشاورتی اجلاس کے دوران معلوم ہوا کہ اس طرح کے شکایتی سیل کے قیام کی اشد ضرورت ہے۔ڈیجیٹل رائٹس فاؤنڈیشن کی نگہت داد کا خیال تھا کہ آن لائن جگہیں خواتین صحافیوں اور خواتین کے لیے تیزی سے مخالف ہوتی جا رہی ہیں۔ انہوں نے اس بات کی بھی نشاندہی کی کہ کس طرح آن لائن اظہار رائے کی آزادی پر منفی اثرات مرتب ہوئے ہیں، بشمول قانونی پابندیاں، ماورائے عدالت زیادتیاں، آن لائن تشدد اور ہراساں کرنا، نگرانی کرنا، اور خواتین صحافیوں کے خلاف صنفی غلط معلومات۔سی ای جے کی ڈائریکٹر اور صحافی عنبر رحیم شمسی نے آن لائن بدسلوکی کے اثرات پر روشنی ڈالتے ہوئے کہا کہ خواتین صحافیوں کو ہراساں کیے جانے، جسمانی عدم تحفظ، صنفی اجرت کے فرق اور ذہنی پریشانی کا سامنا ہے۔خواتین صحافیوں کے اجلاس کے بعد این سی ایچ آر میں سیل قائم کیا گیا۔
