وراسٹائل اینکر فیصل کریم نے انکشاف کیا ہے کہ نیوزاینکرز میں پرچی سسٹم چل رہا ہے۔۔ نیوز چینلز میں مرد اینکرز کے مقابلے میں اب خواتین نیوز اینکرز زیادہ ہوگئی ہیں۔۔ معروف اینکر علی عابد کے پوڈکاسٹ صاف بات میں انٹرویودیتے ہوئے فیصل کریم نے اپنے پیشہ وارانہ کیرئر کے حوالے سے بھی کافی باتیں کیں۔۔ فیصل کریم کا کہنا تھا کہ ۔۔ ایک بڑے چینلز کے ایچ آر کا کہنا ہے کہ انہیں صرف پڑھنے والے اینکرز چاہیئے۔ سوالات تو ہم بتادیں گے کہ کیا اور کیسے کرنے ہیں۔۔ اے آر وائی نیوز پر کام کرنے والے معروف نیوز اینکر کا مزید کہنا تھا کہ ۔۔ اب نیوز چینلز کے بڑے پرڈیوسرز اپنی انتظامیہ کا یہ باور کرارہے ہیں کہ خواتین اینکر ز کا بھی ٹو شاٹ چلتا ہے۔۔ اگر خواتین اینکرز کا ٹوشاٹ چل سکتا ہے تو مرد اینکرز کا ٹوشاٹ کیوں نہیں چل سکتا۔۔فیصل کریم نے بتایا کہ اے آر وائی میں ان کی سب سے اچھی دوست شائستہ یوسف اور آمنہ اکرام ہیں۔ ساتھ ہی انہوں نے نیوز روم کے کرتادھرتا تابان ظفر کے کام کی بھی تعریف کی۔۔ فیصل کریم نے اپنے پسندیدہ سیاست دانوں سے متعلق بتایا کہ خواجہ سعدرفیق، سابق وزیراعظم شاہد خاقان عباسی اور بلاول بھٹو زرداری انہیں اچھے لگتے ہیں۔۔ شادی کے حوالے سے فیصل کریم کا کہنا تھا کہ وہ جلد شادی کرنے والے ہیں اور یہ شادی فیلڈ کی کسی خاتون سے نہیں ہوگی۔۔
