خاتون کو ہراساں کرنے والا ٹک ٹاکر گرفتار۔۔

صوبۂ پنجاب کے ضلع حافظ آباد میں خاتون کو ہراساں کرنے پر ٹک ٹاکر کو گرفتار کر لیا گیا۔حافظ آباد پولیس کے مطابق ملزم ٹک ٹاکر نے ویڈیو بنانے کے لیے مذکورہ خاتون کا دوپٹہ کھینچا تھا۔پولیس کا کہنا ہے کہ ملزم ٹک ٹاک بنانے کے لیے راہ چلتی خواتین کو ہراساں کرتا تھا۔مذکورہ ٹک ٹاکر نے خاتون کو ہراساں کرنے کی ویڈیو بنا کر سوشل میڈیا پر وائرل بھی کی تھی۔ڈی پی او حافظ آباد ڈاکٹر فہد کی جانب سے وائرل ویڈیو پر نوٹس لیتے ہوئے ملزم کے خلاف کارروائی کی گئی۔پولیس کا کہنا ہے کہ ملزم اسامہ ویڈیو وائرل ہونے کے بعد روپوش ہو گیا تھا تاہم اسے جدید ٹیکنالوجی کی مدد سے گرفتار کر لیا گیا ہے، ملزم گرفتاری کے بعد معافیاں مانگتا رہا۔ملزم کے خلاف مقدمہ درج کر لیا گیا ہے اور اس سے اس ضمن میں مزید تفتیش کی جا رہی ہے۔