ایک طرف موبائل فون جدت اور سہولت کی سب سے عمدہ مثال ہے تو دوسری طرف نجی معلومات کی لیکج کا خطرہ بھی سرپرمنڈلاتا رہتا ہے خصوصا ان شخصیات کیلئے جو کسی بھی شعبے میں نمایاں مقام رکھتے ہیں۔ ایسا ہی ایک حیران کن واقعہ معروف اینکرپرسن اور اداکارہ صبا قمر کے ساتھ پیش آیا ہے جن کا موبائل فون ہیک کرلیاگیااور پھر اس کے بعد ہیکرز نے ان کی منیجر مشعل چیمہ سے رابطہ کیا۔مشعل کے مطابق انہیں صبا کے نمبر سے دس بار کال کی گئی لیکن جب وہ فون اٹینڈ کرتیں آگے کوئی نامعلوم شخص بول رہا ہوتا تھا انہوں نے اس کی معلومات حاصل کرنے کی کوشش کی تاہم وہ شخص فون بند کرگیا۔مشعل نے لکھا کہ کالز کرنے والے نے انہیں بتایا کہ اسے صبا کا موبائل اس پارک سے ملا ہے جہاں اداکارہ جاگنگ کرتی ہیں۔مشعل کے بقول انہوں نے اس صورتحال پر صبا سے رابطہ کیاتاہم صبا کا کہنا تھا کہ وہ گھر پر ہیں اور فون کے پاس ہے۔ پرائیویسی میں مداخلت کرنے پر صبا نے انتہائی افسوس کا اظہارکیاہے۔۔۔نامعلوم نوجوان نے اداکارہ صبا قمر کا فون ہیک کرلیا جس کے بعد صبا نے سائبر کرائم سے رابطہ کرکے اس شخص کے خلاف کارروائی کرنے کا فیصلہ کیا ہے۔
