معروف اداکارہ، میزبان اور سماجی کارکن عفت عمر کئی دہائیوں سے شوبز انڈسٹری میں اپنی جگہ بنائے ہوئے ہیں۔ ان کی فٹنس اور گلیمرس لائف اسٹائل دیکھ کر اکثر لوگ ان کی اصل عمر کا اندازہ نہیں لگا پاتے۔ عفت عمر اپنے بے باک انداز اور دوٹوک رائے کی وجہ سے اکثر سوشل میڈیا صارفین کی تنقید کا نشانہ بنتی رہی ہیں، تاہم وہ منفی تبصروں کو نظر انداز کرتے ہوئے اپنی زندگی اپنی پسند کے مطابق گزار رہی ہیں۔حال ہی میں اداکارہ نے اپنی 53ویں سالگرہ منائی، جس کا ذکر انہوں نے انسٹاگرام پر شیئر کی گئی ایک پوسٹ میں بھی کیا ہے۔دلچسپ بات یہ ہے کہ اگر سرچ انجن گوگل پر ان کی تاریخِ پیدائش دیکھی جائے تو وہ 8 اگست کو پیدا ہوئیں اور ان کی عمر 49 سال درج ہے تاہم، خود عفت عمر نے اپنی سالگرہ کے موقع پر واضح کیا کہ وہ اب 53 برس کی ہو چکی ہیں۔یاد رہے کہ عفت عمر اداکارہ، ماڈل، میزبان اور سماجی مسائل پر دوٹوک مؤقف رکھنے والی ایک جانی پہچانی شخصیت ہیں۔
