دوسروں کے حق لیے آواز بلند کرنے والی ٹی وی اینکر خود تشدد کا شکار، انصاف لینے پولیس سے مدد مانگ لی۔۔ کراچی پولیس نے پی ٹی وی ورلڈ کے ہیڈ مرزا مسعود بیگ کو اپنی بیوی/مشہور ٹی وی اینکر فریحہ ادریس کی جانب سے درج قتل کی دھمکیوں کے مقدمے میں گرفتار کرلیا۔۔ خاتون اینکر فریحہ ادریس نے تھانہ ائیرپورٹ میں مقدمہ درج کروایا کہ انکا شوہر مرزا مسعود بیگ (جوکہ پی ٹی وی ورلڈ میں ہیڈ ہے) اپنے ساتھیوں ساتھ ملکر انہیں ان کے موبائل فون پر نہ صرف قتل کرنے کی دھمکیاں دیتا بلکہ کہتا تم پر تیزاب پھینکوں گا اور تمھاری قابل اعتراض تصاویر سوشل میڈیا پر وائرل کروں گا۔ مدعیہ کے مطابق ان کا شوہر ان پر تشدد کرتا تھا اور بچوں کو نقصان پہنچانے کی بھی دھمکیاں دیتا ہےجس بناء پر انہوں نے اس سے علیحدگی اختیار کر لی ہے اور عدالت میں خلع کا کیس بھی چل رہا ہے۔۔ پولیس نے ایف آئی ٓر ٹیلی گراف ایکٹ کی دفعہ 25 ڈی کے تحت درج کی ۔ اینکر فریحہ ادریس نے ایف آئی آر میں موقف اختیار کرتے ہوئے کہا ہے کہ خاوند مجھے قتل کرنے اورتیزاب پھینکنے کی دھمکیاں دے رہا ہے۔ ایف آئی آر کے متن کے مطابق بچوں کو نقصان پہنچانے، میری جعلی تصاویروائرل کرنے کی دھمکیاں بھی دی جارہی ہیں۔ دوسری جانب فریحہ ادریس کے شوہر مرزا مسعود بیگ نے اپنا موقف بیان کرتے ہوئے کہا کہ ہم دونوں میاں بیوی میں خلع کا کیس چل رہا ہے، میں اپنی بے گناہی تفتیش میں ثابت کروں گا، عدالتوں پر انصاف کا پورا یقین ہے۔
