اداکارہ سونیا حسین کا کہنا ہے انہیں مصنف خلیل الرحمان قمر کی جانب سے عورتوں کیلئے نامناسب گفتگو کرنا انہیں پسند نہیں کیوں کہ لائیو شو میں شامل ہر شخص ذمہ دار ہوتا ہے لہٰذا ضروری ہے آپ اپنے نظریات خود تک محدود رکھیں ۔اداکارہ نے کہا کہ خلیل صاحب کی پڑھائی ٹھیک ہے لیکن انہیں عورتوں کے حقوق کے حوالے سے بھی پڑھنے کی ضرورت ہے ، عورتوں کو بھی اتنے ہی حقوق دئیے گئے ہیں جتنا کہ مردوں کو دئیے گئے ہیں ۔خلیل الرحمان قمر کے تحریر کردہ معروف ڈرامے کی پیشکش کے حوالے سے سونیا حسین کا کہنا تھا کہ انہیں ڈرامہ ‘میرے پاس تم ہو ’ کیلئے پیشکش کی گئی تھی اور اس کے بعد بھی آج تک ان کی جانب سے پیشکش آتی رہتی ہیں اور اس حوالے سے سچ وہی بتاسکتے ہیں۔خلیل الرحمان کی جانب سے اداکارہ کے حوالے سے کئے گئے تبصرے سے متعلق سونیا حسین کا کہنا تھا کہ مجھے اب خلیل الرحمٰان قمر کا نام سن کر غصہ آنے لگتا ہے ۔
