خبریں سرچ کرنے والوں کو غلط معلومات کی فراہمی۔۔

ویڈیو شیئرنگ ایپلی کیشن ٹِک ٹاک سیاست، موسمیاتی تبدیلی، کورونا وائرس اور یوکرین میں جنگ سمیت دیگر موضوعات کی خبریں سرچ کرنے والے صارفین کو غلط معلومات دے رہی ہے، یہ بات ایک رپورٹ میں بتائی گئی ہے۔ فرانسیسی خبر رساں ادارے کے مطابق بدھ کو ویب سائٹس اور آن لائن معلومات کی درجہ بندی کرنے والی ویب سائٹ نیوز گارڈ نے ایک رپورٹ میں بتایا ہے کہ ’ٹِک ٹاک پر غلط اور جھوٹے دعوے صارفین کے لیے واضح خطرہ ہیں۔‘ نیوز گارڈ کی تحقیقاتی رپورٹ میں کہا گیا ہے کہ اس نے ستمبر میں 27 ٹِک ٹاک سرچز کا تجزیہ کیا جس سے معلوم ہوا کہ 19 اعشاریہ 5 فیصد ویڈیوز جھوٹے یا گمراہ کن دعوؤں پر مشتمل ہیں۔