پاکستان ٹیلی کمیونیکیشن اتھارٹی (پی ٹی اے) نے مقبوضہ کشمیر کے عوام کے حق خودارادیت کے بارے میں ٹویٹس کرنے پر پاکستانی صارفین کے ٹوئیٹر اکاؤنٹس بلاک کرنے کے معاملے کو ٹوئیٹر انتظامیہ کے ساتھ اٹھایا ہے۔ پی ٹی اے کو صارفین کی جانب سے ان کے اکاؤنٹس بلاک اور معطل ہونے کی 369 شکایات موصول ہوئیں۔ جائزے کے بعد پی ٹی اے نے ایسے 280 اکاؤنٹس/ہینڈل ٹوئیٹر کو رپورٹ کئے جو مقبوضہ کشمیر کے عوام کی حمایت میں پوسٹ کرنے پر معطل کئے گئے۔ پی ٹی اے نے ٹوئیٹر انتظامیہ کے ساتھ اپنے تحفظات کا اظہار کیا ہے کہ بھارتی اثر و رسوخ کے تحت سوشل میڈیا پلیٹ فارم نہ صرف پاکستانی صارفین کو ان کے بنیادی حقوق سے محروم کر رہا ہے بلکہ اپنی ہی کمیونٹی گائیڈ لائنز کی بھی خلاف ورزی کر رہا ہے۔
Facebook Comments
