کراچی پریس کلب الیکشن ڈیموکریٹس کا کلین سوئپ

ہفتے کے روز کراچی پریس کلب کے سالانہ انتخاب میں ایک بار پھر ڈیموکریٹس نے بازی مار لی، گزشتہ سال کی طرح اس سال بھی ڈیموکریٹس کامیاب رہے، اس بار صدر کے لئے امتیاز خان فاران نے 671 ووٹ لے کر کامیابی حاصل کی ، نائب صدر سعید سربازی 894 خزانچی راجہ کامران 876، سیکرٹری ارمان صابر 925، جوائنٹ سیکرٹری حنیف اکبر 872، ووٹ لے کر کامیاب رہے، گورننگ باڈی کے لئے عبدالوحید راجپر 825، ابوالحسن 853، عتیق الرحمان 835، خورشید عباسی 892، اشرف بھٹی 804، شازیہ حسن 855، اور شعیب جٹ نے 779 ووٹ حاصل کئے ، سب سے سخت مقابلہ صدر کے عہدے کے لئے دیکھنے میں آیا ، جہاں امتیاز فاران اوراحمد ملک مد مقابل تھے ، کراچی پریس کلب کے الیکشن میں اس بار 1538 ووٹ رجسٹرڈ تھے جس میں سے 1210 نے ووٹ کاسٹ کئے ، الیکشن کے موقع پر میلے کا سماں تھا ، کھانے پینے کا سلسلہ رات گئے تک جاری تھا،