صحافیوں نے حکومت کے متنازع پیکا ایکٹ کے خلاف علامتی بھوک ہڑتال شروع کرنے کا اعلان کردیا۔ کالے قانون پیکا کیخلاف پی ایف یو جے کی تحریک کے اگلے مرحلے میں داخل ہوگئی ۔ کل سے ملک بھر میں صحافی بھوک ہڑتالی کیمپ لگائے جائیں گے۔صدر پی ایف یو جے افضل بٹ کے مطابق بھوک ہڑتالی کیمپ بارہ سے چودہ فروری تک ملک بھر کے پریس کلبز کے سامنے لگائے جائیں گے۔افضل بٹ کا کہنا ہے کہ کالے قانون کی واپسی تک تحریک جاری رہے گی۔ پی ایف یو جے کے سیکریٹری جنرل ارشد انصاری کا کہنا ہے کہ ملک بھر کی تمام یوجیز اپنے اپنے شہروں میں پریس کلبوں کے باہر روزانہ 6 گھنٹے کا کیمپ لگائیں گی۔ارشد انصاری کا کہنا ہے کہ بھوک ہڑتالی کیمپوں میں سول سوسائٹی، وکلا، سیاسی رہنماؤں اور ٹریڈ یونینز بھی شریک ہوں گی۔
Facebook Comments
