متنازع فلم جوائے لینڈ آسکرز ایوارڈز کیلئے منتخب ہونے والی پہلی پاکستانی فلم بن گئی۔۔صائم صادق کی فلم “جوائے لینڈ”کو 95ویں آسکر ایوارڈز کے انٹرنیشنل فیچر فلم کی کیٹیگری کے لیے نامزد کیا گیا۔ اسی کیٹگری میں ایک بھارتی فلم “لاسٹ فلم شو” بھی شامل ہے۔اب اس فلم کو دنیا بھر کے 92 ممالک سے نامزد کی گئی فلموں میں شارٹ لسٹ کر لیا گیا ہے۔واضح رہے کہ پاکستان کے مختلف صوبوں میں پابندی کا شکار یہ فلم آسکر کی بین الاقوامی فیچر فلم کیٹیگری میں پاکستان کی پہلی سلیکشن بننے میں کامیاب ہوئی ہے، فلم میں خواجہ سرا علینا خان اور علی جونیجو نے مرکزی کردار ادا کیا ہے۔ علاوہ ازیں راستی فاروق، ثروت گیلانی، سلمان پیرزادہ، اور ثانیہ سعید بھی فلم میں اہم کردار نبھا رہے ہیں۔ پاکستان فلم انڈسٹری کے نوجوان ہدایتکار صائم صادق اس فلم کے لکھاری اور ہدایتکار ہیں۔یاد رہے کہ اس سے قبل “جوائےلینڈ “کو کانز فلم فیسٹیول میں بھی اسکرین کیا گیا تھا جہاں اسےجیوری ایوارڈ نے نوازا گیا تھا۔صائم صادق کی فلم “جوائے لینڈ” کو پاکستان میں شدید تنقید کا سامنا ہے۔
