جرنلٹس پروٹیکشن بل ترامیم کے ساتھ منظور۔۔

قومی اسمبلی قائمہ کمیٹی برائے انسانی حقوق نے جرنلسٹس پروٹیکشن بل 2021ء ترامیم کے ساتھ منظور کر لیا۔وفاقی وزیر انسانی حقوق شیریں مزاری کا کہنا ہے کہ جرنلسٹس پروٹیکشن بل صحافیوں سے مشاورت کے بعد بنایا گیا ہے۔شیریں مزاری نے کہا کہ صحافیوں نے بل میں مزید اضافہ تجویز کیا جو شامل کیا گیا ہے، چاہتے ہیں کہ جرنلسٹس پروٹیکشن بل اسمبلی سے جلد پاس ہوجائے۔پیپلزپارٹی کی رکن قومی اسمبلی شازیہ مری نے کہا کہ صحافیوں کے تحفظ کا بل بنانے میں صحافیوں نے بہت تعاون کیا ، پی ایف یو جے ، پارلیمانی رپورٹرز ایسوسی ایشن نمائندگان کے بھی شکر گزار ہیں۔