جاپانی حکومت کا کراچی پریس کلب کو تحفہ۔۔

قونصل جنرل جاپان کے تعاون سے کراچی پریس کلب کے کارڈ روم کو مکمل ائرکنڈیشن کردیا گیا ہے۔  قونصل جنرل جاپان توشی کازو ایسومورا نے پریس کلب کو سہولیات کی فراہمی کے بعد کارڈ روم کا افتتاح کیا۔ صدرکراچی پریس کلب  فاضل جمیلی اور سیکریٹری رضوان بھٹی بھی قونصل جنرل جاپان  کے ہمراہ تھے۔ قونصل جنرل نے کارڈ روم میں تنصیب کیلئے “میڈ ان جاپان” مصنوعات کی فراہمی کو ترجیح دی۔ انھوں نے جاپان کی مشہور کمپنی کے پائیدار ایئرکنڈیشنڈ کارڈ روم میں نصب کروائے ہیں۔ اسی طرح کارڈ روم کیلئے قدآور سائز کی جدید ایل سی ڈی ٹی وی اسکرین فراہم کی گئی ہے۔ توشی کازو ایسومورا نے کارڈ روم کے افتتاح کے بعد ان سہولتوں کی فراہمی پر اطمینان اور خوشی کا اظہار کیا۔ قونصل جنرل جاپان نے کراچی پریس کلب کے دیگر شعبوں کا بھی دورہ کیا۔