گلوکارہ میشا شفیع کی والدہ صبا حمید کا کہنا ہے کہ میشا شفیع اور ہم انصاف کے تمام تقاضے پورے کر رہے ہیں، جب میشا شفیع کوعدالت طلب کرے گی وہ ضرور پیش ہوں گی۔اداکارہ صبا حمید نے میڈیا سے گفتگو کرتے ہوئے کہا کہ ہم کیس کو التوا نہیں کررہے۔اداکار علی ظفر ہتک عزت دعوے پر ایڈشنل سیشن جج ظفر اقبال رانجھا نے سماعت کی، عدالت نے سماعت 3 اپریل تک ملتوی کر دی ۔میشا شفیع کے مینجر فرحان علی اور لینا جرح کے لیے پیش نہ ہوئے۔عدالت نے دونوں کو جرح کے لیے پیش کرنے کا حکم دے دیا، عدالت میں میشا شفیع کی والدہ صباء حمید عدالت میں پیش ہوئیں۔عدالت میں کسی گواہ کا بیان قلمبند نہ ہوسکا، عدالت نے میشا شفیع کے دونوں گواہوں کی حاضری معافی منظور کرلی۔وکیل علی ظفر نے کہا کہ علی ظفر کو اربوں روپے کا نقصان ہو رہا ہے، میشا شفیع کے گواہ نہیں آرہے، عدالت نے میشا شفیع کے وکیل کو 3 اپریل کی سماعت پر گواہوں کوپیش کرنے کا حکم دے دیا۔دوسری جانب صبا حمید نے میڈیا سے گفتگو کرتے ہوئے کہا کہ کورونا وائرس کی ویکسین ہر پاکستانی کو ضرور لگوانی چاہیے، کورونا وائرس کی ویکسین خود لگوا چکی ہوں۔انہوں نے کہا کہ عوام سے اپیل ہے کہ کورونا وائرس ویکسین فوری لگوائیں، کورونا وائرس سے بچاؤ کی ویکسین کا کوئی سائیڈ افیکٹ نہیں ہے۔
