اسلام آباد ہائی کورٹ جرنلسٹ ایسوسی ایشن کے سالانہ انتخابات کیلئے تمام عہدیداروں کو بلامقابلہ منتخب قرار دیدیا گیا۔ صغیر احمد چوہدری کی سربراہی میں سینئر صحافیوں مطیع اللہ جان اور اعظم خان پر مشتمل الیکشن کمیٹی کی جانب سے جاری اعلان کے مطابق کاغذات نامزدگی جمع کروانے کی آخری تاریخ 17 دسمبر بروز ہفتہ تھی اور صرف ایک ہی پینل کی جانب سے ہی کاغذات نامزدگی جمع کرائے گئے۔ جس پر صدر کیلئے رضوان قاضی ، سیکرٹری جنرل کیلئے حسین احمد چوہدری ، نائب صدر کیلئے فرح مہ جبین ، فنانس سیکرٹری کیلئے حسیب ملک ، جوائنٹ سیکرٹری کیلئے عمران منصب اور راجہ بشارت ، سیکرٹری اطلاعات کیلئے امبرین علی ، ممبران گورننگ باڈی کیلئے شہزاد ملک ، زبیر قریشی ، عادل عباسی ، آسیہ کوثر ، ضمیر حسین کو بلامقابلہ کامیاب قرار دیدیاگیا۔ ادھر وفاقی وزیر اطلاعات مریم اورنگزیب ، چیئرمین صوبہ ہزارہ تحریک سردار محمد یوسف،وفاقی وزیر پارلیمانی امور مرتضٰی جاوید عباسی، وفاقی وزیر سیفران سینیٹر محمد طلحہ محمود ، معاون خصوصی وزیراعظم سینیٹر ڈاکٹر حافظ عبدالکریم،معاون خصوصی وزیراعظم سردار شاہ جہان یوسف ، پارلیمانی سیکرٹری داخلہ ڈاکٹر سجاد اعوان، ، مرکزی کو آرڈی نیٹر پروفیسر سجاد قمر ، سید رفیع اللہ شیرازی ، قاری محبوب الرحمن نے نومنتخب عہدیداروں کو مبارک باد دی ہے۔
