ہم نیوز کی انتظامیہ سے اظہار تشکر۔۔

لاہورپریس کلب کے صدر اعظم چوہدری ، سینئر نائب صدر شاداب ریاض ، نائب صدر ظہیر احمد بابر ، سیکرٹری عبدالمجید ساجد ، جوائنٹ سیکرٹری حسن تیمورجکھڑ ، فنانس سیکرٹری حافظ فیض احمد اور اراکین گورننگ باڈی نے ہم نیوز کی جانب سے ملازمین کی تنخواہوں میں انیس فیصد تک اضافہ اور ایک زائد بونس دینے کے اقدام کو سراہتے ہوئے انتظامیہ کا شکریہ ادا کیا ہے ۔ انھوں نے ہم نیوز کی کی صدر سلطانہ صدیقی ، سی ای او درید قریشی، سی او او نوید صدیقی اور ڈی این ریحان احمد کا شکریہ ادا کرتے ہوئے کہاکہ موجودہ مہنگائی کے دور میں ہم نیوز انتظامیہ کا یہ اقدام قابل تحسین ہے اس سے ہم نیوز سے وابستہ صحافیوں اور دیگر ملازمین کو خاطر خواہ ریلیف ملے گا ۔ انھوں نے امید ظاہر کی کہ دیگر صحافتی ادارے بھی ہم نیوز کی تقلید میں اپنے ملازمین کی تنخواہوں میں اضافہ کریں گے ۔