ہم نیوز کا اینکرپرسن ٹھکانہ بدلنے کو تیار۔۔

چینلز میں تبدیلی کی ہوا مزید تیز ہوگئی ہے ۔ پپو کے مطابق 92 نیوز کے بعد اب ہم نیوز میں ہلچل ہونے والی ہے۔ ہم نیوز کے  ایک پروگرام اینکر پرسن نے اپنا ٹھکانہ تبدیل کرنے کے لئے 92 نیوز میں ملاقاتیں شروع کردی ہیں ، پپو نے انکشاف کیا ہے کہ مذکورہ پروگرام اینکر  نے 92 نیوز کی مینجمنٹ سے اب تک 3 ملاقاتیں کی ہیں اور ان کے معاملات تقریباً طے پاچکے ہیں۔  پپو کا مزید کہنا ہے کہ  مذکورہ اینکر کی  حتمی میٹنگ رواں ہفتے میں ہونی ہے جس میں وہ اپنی جوائننگ کی تاریخ اور اپنی ٹیم کی سیلری فائنل کریں گے ،انہیں سعدیہ افضال والا سلاٹ دیا جائے گا جو 92 نیوز چھوڑ کر سنو ٹی وی جوائن کر چکی ہیں۔۔سعدیہ افضال کے سنو میں نئے پروگرام کا ٹیزر آج سے آن ائر کیا جارہا ہے۔۔