حبابخادی کی بھی رخصتی ہوگئی۔۔

حال ہی میں اداکار آریز احمد کے ساتھ رشتۂ ازدواج میں منسلک ہونے والی اداکارہ حبا بخاری کی رخصتی بھی ہوگئی جس کی تصاویر سوشل میڈیا پر وائرل ہوگئیں۔دو روز قبل حبا بخاری اور اداکار آریز احمد کے نکاح کی تقریب کا انعقاد کیا گیا تھا، اب گزشتہ روز اداکارہ کی رخصتی بھی ہوگئی ہے۔حبا بخاری نے اپنی رخصتی میں سُرخ رنگ کا خوبصورت عروسی لباس زیب تن کیا جبکہ اُن کے شوہر آریز احمد نے سیاہ رنگ کی شیروانی کا انتخاب کیا۔اداکارہ اپنی رخصتی کے دن بےحد حسین لگ رہی تھیں، انہوں نے گولڈن رنگ کی جیولری پہنی۔آریز احمد اور حبا بخاری کی شادی کی تقریب میں اداکار محمد جنید سمیت دیگر شوبز ستاروں بھی شرکت کی۔اس موقع پر حبا بخاری کا کہنا تھا کہ اُنہوں نے کبھی نہیں سوچا تھا کہ اُن کی شادی محبت کی ہوگی۔